ខេត្តកំពង់ឆ្នាំង៖ បុរសម្នាក់បានជិះម៉ូតូលឿនក្នុងពេលស្រវឹង ទៅបុកសត្វឆ្កែដែលកំពុងឆ្លងផ្លូវបណ្តាលអោយដួលបោកក្បាលរបួសធ្ងន់ សន្លប់ស្តូកស្តឹងនៅក្នុងថ្លុកឈាម។ហេតុការណ៍នេះបានកើតឡើងនៅម៉ោង១៧ និង៣០នាទីថ្ងៃទី២៧ ខែតុលា ឆ្នាំ២០១៥ នៅលើផ្លូវក្រាលកៅស៊ូ នៅមុខការិយាល័យនគរបាលចរាចរណ៍ផ្លូវគោកខេត្ត ស្ថិតនៅក្នុងភូមិម៉ុងបារាំង សង្កាត់ប្អេរ ក្រុងកំពង់ឆ្នាំង។
សមត្ថកិច្ចនគរបាលចរាចរណ៍ខេត្តបានអោយដឹងថា៖ ជនរងគ្រោះមានឈ្មោះ ថា អាយុ៤៨ឆ្នាំ រស់នៅក្នុងសង្កាត់ផ្សារឆ្នាំង ក្រុងកំពង់ឆ្នាំង។នៅមុនពេលកើតហេតុ ជនរងគ្រោះបានជិះម៉ូតូម៉ាកហុងដាសេ១១០ ពណ៌ក្រហមពាក់ស្លាកលេខ ញ ២៣០២ ភព១ តែម្នាក់ឯង ក្នុងទិសដៅពីជើងទៅត្បូងក្នុងល្បឿនយ៉ាងលឿន ដោយស្ថានភាពស្រវឹងផង នោះពេលបលើមកដល់ចំណុចកើតហេតុ ស្រាប់តែមានសត្វឆ្កែមួយក្បាលបានរត់កាត់មុខ ហើយម៉ូតូគេក៏បុកឆ្កែពេញមួយទំហឹងតែម្តង បណ្តាលអោយដួលបោកក្បាលទៅនឹងថ្នល់កៅស៊ូរបួសធ្ងន់ ហូរឈាមក្រហមច្រាលពេលថ្នល់និងសន្លប់ស្តូកស្តឹង។
ក្រោយពេលកើតហេតុសមត្ថកិច្ចបានទូសព្ទ័ហៅរថយន្តសង្គ្រោះមន្ទីរពេទ្យ មក ដឹកជនរងគ្រោះយកទៅសង្គ្រោះព្យាលបាលនៅមន្ទីរពេទ្យបង្អែកខេត្តកំពង់ ងឆ្នាំង។ ករណី នេះសមត្ថកិច្ចបាននិយាយថា៖មកពីអ្នកបើកបរម៉ូតូបើកបរក្នុងស្ថានភាព ស្រវឹង និងបើក លឿន ពេកហួសល្បឿនកំណត់ និងដោយមិនប្រុងប្រយត្ន័ក៏បានបុកឆ្កែ រងរបួសក្បាល ធ្ងន់តែម្តង និងព្រោះតែគេមិនពាក់មួកសុវត្តិភាព។ ចំណែកម៉ូតូជនរង គ្រោះត្រូវបាន សមត្ថ កិច្ចយកទៅរក្សាទុកនៅក្នុងការិយាល័យនគរបាលចរាចរណ៍ផ្លូវគោកខេត្ត៕
