លោក ភិន ម៉ារ៉ា ចាងហ្វាងការផ្សាយ Tel: 012 7888 46 / និពន្ធនាយករង លោក ហែម ម៉ាប់ Tel: 012 23 89 27​
ទំនាក់ទំនងព័ត៌មាន និងផ្សាយពាណិជ្ជកម្ម Tel: 012 7888 46 Email: pppress8@gmail.com

រថយន្តមិនស្គាល់ម៉ាកបើកបុកម៉ូតូសម្លាប់មនុស្សហើយបើករត់គេចខ្លួនបាត់

ភ្នំពេញ៖ រថយន្តមិនស្គាល់ម៉ាកមួយគ្រឿងបានបើកបុកម៉ូតូដែលជិះដោយគូស្វាមីភរិយាមួយគូ បណ្តាលឲ្យ​ស្ត្រីជា ប្រពន្ធស្លាប់ភ្លាមៗនៅកន្លែងកើតហេតុ រីឯប្តីរងរបួសធ្ងន់ ហើយរថយន្តនោះបាន​ថែមល្បឿនរត់បាត់​ស្រមោល។

ហេតុការណ៍នេះកើតឡើងនៅវេលាម៉ោង ៥ព្រឹក ថ្ងៃទី ៣០ ខែតុលានេះ ស្ថិតត្រង់ចំណុចមុ​ខម​ណ្ឌលសុ​ខ​ភាព ក្បាលកោះ តាមបណ្ដោយផ្លូវជាតិលេ​ខ​១ សង្កាតក្បាលកោះ ខណ្ឌច្បារអំពៅ រាជធា​នី​ភ្នំពេញ​។

សាក្សីនៅកន្លែងកើតហេតុបានឲ្យដឹងថា​ នៅមុនពេលកើតហេតុគេបាន​ឃើ​ញបុ​រស ស្ត្រី២នាក់ បានជិះម៉ូតូមួយគ្រឿងម៉ាក​ ​ហុងដា សេ១២៥ សង់ឌ្រីម ស៊េរីឆ្នាំ២០២០ ពណ៌ខ្មៅ ពាក់​ផ្លាកលេខ ភ្នំពេញ 1HY-7234 ធ្វើដំណើរតាមបណ្ដោ​យ​ផ្លូវ​ជាតិ​លេខ​១ ទិសដៅពីជើងទៅត្បូ​ង​ ក្នុងល្បឿនលឿន​ ​។

ខណៈពេលមកដល់ចំណុចកើ​ត​ហេតុ ក៏ស្រាប់តែត្រូវរថយន្តមួយ​គ្រឿ​ងមិ​នចាំ​ម៉ាក​ បានធ្វើដំណើរតាមប​ណ្ដោ​យផ្លូវ​ជាតិ​លេខ១ ទិសដៅពីត្បូ​ង​ទៅជើ​ង បញ្ច្រាសទិស​ដៅគ្នា​ ក្នុងល្បឿនលឿ​ន​ បានជ្រុលទៅបុកម៉ូ​តូពីចំហៀង​ខា​ងឆ្វេង បណ្ដាលឲ្យផ្លោងនា​រីម្នា​ក់ជិត២០ម៉ែត្រ បោក​នឹងថ្នល់ស្លាប់ភ្លាមៗ និ​ង​ រង​របួ​សធ្ងន់​ បុរស​ម្នាក់ បាក់ជើ​ងឆ្វេ​ងត្រូវបញ្ជូនទៅម​ន្ទី​រពេ​ទ្យ។

ក្រោយពេលកើតហេតុ​ កម្លាំងសមត្ថកិច្ចមូលដ្ឋា​ន បានមកដល់ទីតាំងកើ​ត​ហេតុ ​និង​បាន​ធ្វើការវាស់វែ​ង យកម៉ូតូរង​គ្រោះ​ទៅរក្សា​ទុក នៅអធិការនគរបាល​ខ​ណ្ឌច្បារ​អំពៅ​ ដើម្បី​ស្រាវ​ជ្រាវរ​ករថយន្តបង្កយកមកផ្ត​ន្ទា​ទោសតា​មផ្លូវ​ច្បាប់។ ចំណែកសពស្ត្រីរងគ្រោះសមត្ថកិ​ច្ច​បានធ្វើ​កំណត់​ហេតុ​ យកទៅតម្ក​ល់​ទុកនៅ​វត្តទឹ​កថ្លា ដើម្បីស្វែករកក្រុម​គ្រួ​សារ​យកទៅ​ធ្វើបុណ្យ​តាម​ប្រពៃ​ណី៕

16eaa3d6-2d8c-4ea8-a1de-73093e33fc22 68c03ce2-6d2d-4cc2-8309-b132f879a498 bf31f1d9-2538-4bd6-93f8-16a72172952f e9449285-ed4d-4846-bceb-d63a1dd6625b

Share Button
Filed in: គ្រោះថ្នាក់ ចរាចរណ៍, ព័ត៌មានថ្មីៗ

Recent Posts

Bookmark and Promote!