ខេត្តព្រះសីហនុ៖ ជនសង្ស័យក្នុងបទ រក្សាទុក ចែកចាយ ជួញដូរគ្រឿងញៀន ចំនួន០៧នាក់ ត្រូវបានកម្លាំងកងរាជអាវុធហត្ថខេត្តព្រះសីហនុ ធ្វើការឃាត់ខ្លួនជាបន្តបន្ទាប់កាលពីវេលាម៉ោង១៥ និង៣០នាទីថ្ងៃទី១៩ ខែតុលា ឆ្នាំ២០១៥ នៅចំណុចភូមិច០១ សង្កាត់លេខ០២ ក្រុងព្រះសីហនុ ហើយត្រូវបានបញ្ជូនខ្លួនទៅកាន់សាលាដំបូង កាលពីវេលាម៉ោង១៤ និង១៥នាទី រសៀលថ្ងៃទី២១តុលានេះផងដែរ។
លោកឧត្តមសេនីយ៍ ហេង ប៊ុនទី មេបញ្ជាការកងរាជអាវុធហត្ថខេត្តព្រះសីហនុ បានប្រាប់ឲ្យដឹងថា ក្រោយពីធ្វើការស្រាវជ្រាវកម្លាំងកងរាជអាវុធហត្ថខេត្តបានបង្ក្រាប ករណីជួញដូរគ្រឿងញៀននៅចំណុចភូមិភូមិ០២ សង្កាត់លេខ០២ ក្រុងព្រះសីហនុ ខេត្តព្រះសីហនុបុរស7នាក់ត្រូវបាបឃាត់ខ្លួនជាមួយនឹងវត្ថុតាង មួយចំនួននៅវេលាម៉ោង១៧ និង៣០នាទីថ្ងៃទី១៦ខែតុលាឆ្នាំ២០១៥។
ជនសង្ស័យ០៧នាក់ឈ្មោះទី១.អៀ វឌ្ឍនា ភេទស្រី អាយុ២៨ឆ្នាំមុខរបរអ្នកលាងចាន តាមរោងការ លំនៅបច្ចុប្បន្នភូមិ០១សង្កាត់លេខ០២ ក្រុង ខេត្តព្រះសីហនុ។២.ហ៊ឹម ធារ៉ា ភេទប្រុស អាយុ២៥ឆ្នាំមុខរបរព្រូឡាន លំនៅបច្ចុប្បន្ន ភូមិ០២ សង្កាត់លេខ០២ ក្រុងព្រះសីហនុ។៣.កង ពុទ្ឋារី ភេទប្រុស២៦ឆ្នាំមុខរបរជាងទូរស័ព្ទដៃ លំនៅបច្ចុប្បន្នភូមិ០៣ សង្កាត់លេខ០១ ក្រុងព្រះសីហនុ។៤.អឿន រិទ្ឋប្រុសអាយុ១៦ឆ្នាំ មុខរបរសិស្សរៀនធ្វើម្ហូបនៅម្លប់តាប៉ាងលំនៅបច្ចុប្បន្នភូមិ០ សង្កាត់លេខ០២ ក្រុងព្រះសីហនុ។ ៥.គង់ កីឡាកាសភេទប្រុស អាយុ១៣ឆ្នាំមុខរបរមិនពិតប្រាកដទីនៅបច្ចុប្បន្នភូមិភូមិ០២ សង្កាត់លេខ០២ ក្រុងព្រះសីហនុ ខេត្តព្រះសីហនុទី៦ឈ្មោះ ទឹម ចំរ៉ុង ភេទ ប្រុស អាយុ៣១ឆ្នាំ ទី៧ឈ្មោះ លឹម មករ៉ា ភេទ ប្រុសអាយុ២៤អ្នកទាំងពីរមានទីលំនៅភូមិភូមិ០២ សង្កាត់លេខ០២ ក្រុងព្រះសីហនុ។
បន្ទាប់ពីធ្វើការឃាត់ខ្លួនសមត្ថកិច្ចចាប់យកវត្ថុតាង-ម្សៅសថ្លា ចំនូន០៣កញ្ចប់-ថង់វិចខ្ចប់ចំនួន២៧ -ទុយូសំរាប់ជក់ចំនួន០៥ ១-ទូរស័ព្ទដៃចំនួន០៣គ្រឿង -ម៉ូតូចំនួន២គ្រឿង និង ប្រាក់រៀលចំនួន៣១៥០០ត្រូវដកហូត៕
