ភ្នំពេញ៖ រដ្ឋបាលសាលាក្រុងភ្នំពេញត្រូវបានប្រជាពលរដ្ឋ៨ គ្រួសារប្តឹងថា តែងតែឲ្យមន្ត្រីមករំលោភយកដីពួក គាត់ជាប្រជាពរដ្ឋយកទៅពុះដីឡូត៍លក់ដោយមិនគិតថា អ្នកណាមានដីនៅឬអត់នោះទេសំខាន់ទង្វើរនេះហាក់មិនសមស្របតាមច្បាប់ដែលពួកគាត់ជាប្រជាពលរដ្ឋមិនអាចទទួលយកបាន។
តបតាមពាក្យបណ្ដឹងរបស់ពលរដ្ឋ កាលពីថ្ងៃទី ១៩ ខែ វិច្ឆិកា ម្សិលមិញនេះលោក សុខសុវណ្ណ វឌ្ឍនាសាប៊ុង បានដឹកនាំក្រុមការងារ និងសហការជាមួយមន្ត្រីមកពីទីស្ដីការនាយករដ្ឋមន្ត្រី២រូប ចុះពិនិត្យការឈូសឆាយយកដីពលរដ្ឋ ពីសំណាក់រដ្ឋបាលសាលាក្រុងភ្នំពេញ។
នេះជាការរំលោភការណែនាំរបស់ក្រសួងមហាផ្ទៃ រំលោភចំណាររបស់សម្ដេចតេជោ លើកគម្រោងខ្យល់ មកឈូសឆាយយកដីរបស់ពលរដ្ឋដែលរស់នៅជាយូរមកហើយពុះឡូត៍លក់ឲ្យអ្នកដទៃ ដោយរំលោភលើរដ្ឋធម្មនុញ្ញមាត្រា ៤៤ ។
បើតាមលោក សុខសុវណ្ណ វឌ្ឍនាសាប៊ុង មុនឈានដល់ការចុះពិនិត្យជាក់ស្ដែង យើងខ្ញុំបានពិនិត្យករណីនេះ ល្អិតល្អន់អស់រយៈពេលមួយខែមកហើយ នឹងបន្តតាមដានដោយយកចិត្តទុកដាក់បន្ថែមទៀត។ ក្រោយបានចុះពិនិត្យជាក់ស្ដែងរួច នឹងបន្តនីតិវិធីរៀបចំរបាយការណ៍ពិស្ដានៃលទ្ធផលអង្កេតដាក់ជូនសម្ដេចតេជោ ដើម្បីឲ្យលោកបានជ្រាបនឹងមានវិធានការ ៕
