ខេត្តកំពត ៖ កាលពីថ្ងៃទី០២ ខែវិច្ឆិកា ឆ្នាំ២០១៥ នៅវេលាម៉ោង ៦ល្ងាច កំលាំងនគរបាលខេត្តកំពត ចាប់ឃាត់ខ្លួនជនសង្ស័យ ១ នាក់ ពីបទជួញដូរ និងចែកចាយគ្រឿងញៀន ។
កម្លាំងនគរបាលបានបញ្ជាក់ឱ្យដឹងថា ជនសង្ស័យខាងលើ ឈ្មោះ ម៉ាត់ ឡាវី ភេទប្រុស អាយុ ២៩ឆ្នាំ រស់នៅ ភូមិត្រពាំងសង្កែ ឃុំត្រពាំងសង្កែ ស្រុកទឹកឈូរ ខេត្តកំពត ។ កំលាំងនគរបាលបានដកហូតបាននូវ វត្ថុតាងជាថ្នាំញៀន ចំនួន ១១ កញ្ចប់ ទូរស័ព្ទដៃចំនួន ២ គ្រឿង និងម៉ូតូសង់ស៊េរីឆ្នាំ២០១១ មួយគ្រឿង អត់ស្លាកលេខ មួយគ្រឿង។
បច្ចុប្បន្ន ជនសង្ស័យរួម នឹងវត្ថុតាងកំពុងត្រូវបានសមត្ថកិច្ចជំនាញកសាងសំណុំរឿងបញ្ជូនទៅ នីតិវិធី ៕
