ប៉ៃលិន ៖ ស្ត្រីម្នាក់ឈ្មោះសឿន ស៊ីនួន អាយុ៤៥ឆ្នាំ បានលង់ទឹកស្លាប់ ខណៈពេលដែលចុះរាវគ្រំ ទាំងខ្លួនស្រវឹង និងរាវដល់ទឹកជ្រៅផុតជើងផុតដៃ ។ ជនរងគ្រោះ ជាកម្មករ មានស្រុកកំណើតនៅស្រុកសំឡូត ខេត្តបាត់ដំបង បច្ចុប្បន្ន រស់នៅភូមិដីស ឃុំស្ទឹងត្រង់ ស្រុកសាលាក្រៅ ខេត្តប៉ៃលិន ។ ហេតុការណ៍នេះ កើតឡើងវេលាម៉ោង១២និង៣០នាទីថ្ងៃត្រង់ ថ្ងៃទី១៧ខែ១០ឆ្នាំ២០១៥ក្នុងស្ទឹងត្រង់៕
បើតាមអ្នកភូមិបានប្រាប់សមត្តកិច្ចមូលដ្ឋានថា នៅមុនកើតហេតុ គេឃើញស្ត្រីរងរគ្រោះដែលបានលង់ទឹកស្លាប់ កំពុងតែផឹកស្រារប្រចាំត្រកូល ពេលស្រវឹងស្រឿងៗ ក៏ដើរទៅស្ទឹងដើម្បីចុះទៅរៀវគ្រំ ។
លុះក្រោយមក ស្រាប់តែលឺក្មេងៗ មកប្រាប់ក្រុមគ្រួសារ និងអ្នកភូមិថា មីង ស៊ីនួន គាត់ចុះរៀវគ្រំ ក្នុងស្ទឹងត្រង់ លង់ទឹកស្ទឹង ។ ក្រោយមក ស្រាប់តែអ្នកភូមិទាំងប្រុសស្រីនាំគ្នាភ្ញាក់ផ្អែល ក៏ចុះរៀវរក ក៏ប្រទះសពឈ្មោះស្ត្រីខាងលើនោះ រួចស្រង់លើកឡើងលើគោក ។
បន្ទាប់ពីសមត្ថកិច្ចពិនិត្យសាកសព បានបញ្ជាក់ថា ស្ត្រីរូបនេះពិតជាផឹកស្រាចុះរៀវគ្រំ ផុងរណ្ដៅ លង់ទឹក ក្រោយពីត្រួតពិនិត្យ រួចសាកសពស្ត្រីម្នាក់លង់ទឹកស្លាប់ ត្រូវបានសមត្ថកិច្ចប្រគល់ឲ្យក្រុមគ្រួសារមកនៅធ្វើបុណ្យតាមប្រពៃណី ៕
ស សារឿន
