ខេត្តមណ្ឌលគិរី៖ កម្លាំងចារកម្មក្រសួងមហាផ្ទៃ សហការជាមួយប៉ូលីសប្រឆាំងបទល្មើស សេដ្ឋកិច្ច នៃស្នងកាដ្ឋាននគបាលខេត្តមណ្ឌលគិរី ក្រោមបទបញ្ជាពីលោក តូច យ៉ុន ស្នងការខេត្តមណ្ឌលគិរីទើបឡើងកាន់តំណែងថ្មីៗ បានចុះបង្ក្រាបបទល្មើសព្រៃឈើទូទាំងខេត្ត ជាពិសេសតាមបណ្ដោយបន្ទាត់ព្រំដែនវៀតកម្ពុជា បានធ្វើការឃាត់ត្រាក់ទ័រ១គ្រឿង និងគោយន្តប្រភេទកែឆ្នៃ១គ្រឿង របស់ជនជាតិវៀតណាមដែលលួចឆ្លងដែនចូលមកលួយកាប់ឈើក្នុងដីរបស់ ខ្មែរ ដែលធ្វើឡើងតាមទម្លាប់ដែលមានការឃុបឃិតពីមន្ត្រីកំហូចដែលធ្លាប់រួម ដៃប្រព្រឹត្តទទួលសំណូកពីជនជាតិវៀតណាម។ ការបង្ក្រាបនេះបានធ្វើឡើងនៅយប់ថ្ងៃទី២០ ខែកញ្ញា ឆ្នាំ២០១៥ នៅចំណុចអូរណាក្រោយប៉ុស្តិ៍ដាក់ជង ហៅប៉ុស្តិ៍៥ ឃុំត្រងតេះ ស្រុកពេជ្រាដា ខេត្តមណ្ឌលគិរី។
ជនល្មើសក្នុងករណីលួចកាប់ឈើដែលនឹងដឹកជញ្ជូនឆ្លងដែននោះ ទំនងមានអ្នករាយការណ៍ឲ្យដឹងខ្លួនជាមុនទើបពួកគេបានគេចខ្លួនអស់ គ្មានសល់ម្នាក់។ បន្ទាប់ពីបង្ក្រាបបានឈើ និងត្រាក់ទ័រ១គ្រឿង និងគោយន្តប្រភេទកែឆ្នៃ១គ្រឿងនោះ ប៉ូលីសបានប្រគល់ទៅអោយជំនាញរដ្ឋបាលព្រៃឈើខេត្ត ដើម្បីចាត់ការបន្តតាមនិតិវិធីច្បាប់ ដោយលោកកែវ សុភគ៌ អនុប្រធានព្រៃការពារ បានទទូវត្ថុតាង និងឈើទាំងនោះ ហើយលោកកំពុងតែដឹក ជញ្ជូនយកមកខេត្ត ។ ទោះយ៉ាងណាគេមិនសង្ឃឹមថា លោក កែប កត់ នាយខណ្ឌរដ្ឋបាលព្រៃឈើអាចមានលទ្ធភាពចាត់ការជនជាតិវៀតណាមដែលបាន ប្រព្រឹត្តបទល្មើសព្រៃឈើកំពុងរត់គេចខ្លួននោះទេ។
ដោយឡែកសកម្មភាពកាប់ និងជួញដូរឈើក្នុងរូបភាពទ្រង់ទ្រាយធំដោយពួកឧកញ៉ាជ្រកក្រោម ការបន្លំច្បាប់នៅដែនព្រៃអភិរក្សសហគមន៍ និងដែនជម្រកសត្វព្រៃភ្នំព្រេច នៅឃុំស្រែឈូក ស្រុកកែវសីមា និងតំបន់ព្រៃការពារអភិរក្សជីវចម្រុះសីមាខេត្តមណ្ឌលគិរីធ្វើឡើងយ៉ា អនាធិបតេយ្យពុំដែលមានការបង្ក្រាបពីសមត្ថកិច្ចខេត្តមណ្ឌល គិរីម្តងណាទេ។ ការមើលរំលងរបស់សមត្ថកិច្ចគ្រប់ជំនាញនេះបានធ្វើឲ្យពលរដ្ឋមានការ សង្ស័យថា គឺជាការ ជួយ លាក់លៀមបិទបាំង ជាថ្នូរទទួលបានផលប្រយោជន៍ក្នុងរឿងនេះដែរហើយមើលទៅ៕
