ភ្នំពេញ ៖ ការបើកបររបសរបស់ជនជាតិចិននៅកម្ពុជាបានធ្វើអោយប្រជាជនខ្មែរមានការព្រួយបារម្ភ និងភ័យខ្លាច ដោយសារតែការបើកបរនោះ លឿនហួសកំណត់ហើយមិនគោរពច្បាប់ចរាចរណ៍ទៀតផង ជនជាតិចិនខ្លះ បង្កបញ្ហាគ្រោះថ្នាក់ចរាចរណ៍ហើយ ហ៊ានឈ្លោះជាមួយសម្ថកិច្ចនរបាលទៀតផង។
ជាក់ស្តែង នៅមុខផ្សារទួលគោក កាលពីយប់មិញនេះ មានគ្រោះថ្នាក់ចរាចរណ៍មួយ បានកើតឡើង ដោយបុរសជនជាតិចិនម្នាក់ បើករថយន្ត CELICA មួយគ្រឿង ពាក់ស្លាកលេខ ភ្នំពេញ 2O-1058 បោះពួយក្នុងល្បឿនយ៉ាងលឿន ជ្រុលទៅបុករបាំងថ្មក្បាលព្រួញពុះចែកទ្រូងផ្លូវ បាក់អស់មួយផ្ទាំង ចំណែករថយន្តខ្ទាតក្រឡាប់ផ្ងារជើងឡើងលើ ។
អ្នកឃើញហេតុការណ៍បានឲ្យដឹងថា នៅមុនកើតហេតុ គេឃើញបុរសជនជាតិចិនម្នាក់ បើករថយន្តមួយគ្រឿង ម៉ាក TOYOTA CELICA ពណ៌ខ្មៅ ពាក់ស្លាកលេខ ភ្នំពេញ 2O-1058 ធ្វើដំណើរតាមផ្លូវ២៨៩ ទិសដៅពីត្បូងទៅជើង បោះពួយក្នុងល្បឿនយ៉ាងលឿន លុះមកដល់ចំណុចកើតហេតុ បានរេចង្កូតមកខាងឆ្វេងដៃ ជ្រុលទៅបុកក្បាលនាគពុះចែកទ្រូងផ្លូវពេញទំហឹង បណ្តាលឲ្យបាក់អស់មួយកង់ចំណែករថយន្តបង្កក្រឡាប់ផ្ងារជើងឡើលើច្រង៉ាង ជាប់អ្នកបើកបរក្នុងកាប៊ីន តែត្រូវបានប្រជាពលរដ្ឋជួយយកចេញមកក្រៅ និងមិនមានរងរបួសអ្វីទេ រួចបានគេចខ្លួនចេញពីកន្លែងកើតហេតុបាត់ស្រមោល។
ក្រោយកើតហេតុ សមត្ថកិច្ចមូលដ្ឋានបានចុះមកដល់ ធ្វើការវាស់វែងយករថយន្តបង្កទៅរក្សាទុកនៅការិយាល័យចរាចរណ៍ផ្លូវគោករាជធានីភ្នំពេញ រងចាំដោះស្រាយគ្នាទៅតាមផ្លូវច្បាប់៕
