ចាប់ជនសង្ស័យម្នាក់ដកហូតបានគ្រឿងញៀនជិត១ពាន់ក្រាម

ភ្នំពេញ៖ កម្លាំងមន្ទីរប្រឆាំងគ្រឿងញៀនបានធ្វើការចុះបង្ក្រាបជាក់ស្តែង ដកហូតបានសារធាតុ​ញៀនមេតំហ្វេតាមីន (ICE) ទម្ងន់ ៩៨៧.៥៥ក្រាម។ ប្រតិបត្តិការនេះបានធ្វើឡើង នៅវេលា​ម៉ោង៧និង៣០នាទី យប់ថ្ងៃទី៧ ខែសីហា ឆ្នាំ២០១៩ នៅចំណុចក្បែរស្ថានីយ៍ប្រេងតេលា នៅជិតបញ្ជាការដ្ឋានកងរាជអាវុធហត្ថរាជធានីភ្នំពេញ ក្នុងសង្កាត់ស្ទឹងមានជ័យ ខណ្ឌស្ទឹងមានជ័យ រាជធានីភ្នំពេញ។

សមត្ថកិច្ចបានឲ្យដឹងថា ​ ​ជនសង្ស័យដែលចាប់បានមានឈ្មោះ សាន ត្រែង ភេទប្រុស កើតឆ្នាំ១៩៩៤ ជនជាតិខ្មែរ។ ​ដកហូតបាននូវសារធាតុញៀនមេតំហ្វេតាមីន(ICE) ទម្ងន់ ៩៨៧.៥៥ក្រាម ម៉ូតូ ១គ្រឿង និង ទូរស័ព្ទដៃ ១គ្រឿង ។

បច្ចុប្បន្នជនសង្ស័យនិងវត្ថុតាង កំពុងត្រូវបានកម្លាំងជំនាញធ្វើការសាកសួរ និងកសាងសំណុំ​រឿងចាត់​ការតាមច្បាប់៕