ខេត្តមណ្ឌលគីរី៖នៅថ្ងៃទី៧ខែសីហា ឆ្នាំ២០១៩នេះ កម្លាំងអធិការដ្ឋាននគរបាលស្រុកពេជ្រាដា ដោយសហការជាមួយកម្លាំងប៉ុស្ដិ៍នគរបាលឃុំពូជ្រៃ បានបើកប្រតិបត្តិការ ឡោមព័ទ្ធបង្រ្កាបបានរថយន្តម៉ាក High Lander ចង្កូតឆ្វេង ពណ៌ស្ករ ពាក់ស្លាក់លេខភ្នំពេញ2AC-7726 ដែលកំពុងធ្វើសកម្មភាពដឹកជញ្ជូនឈើប្រណិតប្រភេទឈើធ្នង់ ចំនួន៨១ដុំ ស្ថិតក្នុងភូមិ ពូតាំង ឃុំពូជ្រៃ ស្រុកពេជ្រាដា ខេត្តមណ្ឌលគិរី ។
បើតាមសមត្ថកិច្ចបានអោយដឹងថា ក្រោយពីធ្វើការស្ទាក់ចាប់រថយន្តដឹកឈើល្មើស ដោយម្ចាស់រថយន្តដឹកឈើដឹងខ្លួនមុនក៏បានរត់គិចខ្លួនបាត់ស្រមោលដោយសុវត្ថិភាព ។
សមត្ថកិច្ចបានដឹងបន្ថែមថា បច្ចុប្បន្នរថយន្ត និងឈើ ត្រូវបានប្រគល់ជូនជំនាញរដ្ឋបាលព្រៃឈើ ដើម្បីយកទៅរក្សាទុកនៅខណ្ឌរដ្ឋបាលព្រៃឈើខេត្តមណ្ឌលគិរី ដើម្បីចាត់ការទៅតាមនិតិវិធីច្បាប់៕
