ចាងហ្វាងការផ្សាយ លោក ភិន ម៉ារ៉ា / ការិយាល័យនិពន្ធ ៖ 012 78 88 46 / 015 720 926
ព័ត៌មាន​ថ្មី
- ឧត្តមសេនីយ៍ឯក រ័ត្ន ស្រ៊ាង ទទួល​ស្វាគមន៍​ប្រតិភូ​អនុព័ន្ធ​នគរបាល​ភូមិន្ទ​ថៃ ប្រចាំ​ស្ថានទូត​ថៃ​! - អភិបាលខេត្តមណ្ឌលគិរីចុះបើកការដ្ឋានសាងសង់ជាផ្លូវការប្រព័ន្ធធារាសាស្រ្តស្រែជ្រៃ - ធ្លាយរឿងអំពើពុករលួយនៅមន្ទីរទេសចរណ៍ខេត្តត្បូងឃ្មុំប្រធានមន្ទីរធ្វើរាយការណ៍ក្លែងក្លាយចាយលុយរដ្ឋរាប់សិបលាន - ពេលមានរឿងពលរដ្ឋទៅពឹងប៉ូលិសតែបើប៉ូលិសសំគិះអញ្ចឹងទៅពឹងនណា?  អធិការស្រុកបាភ្នំ ដោះលែងជនសង្ស័យរំលោភសេពសន្ថវៈក្មេងស្រីអាយុ១១ឆ្នាំ បានសម្រេចដល់៥ដង - នណាហ៊ានបិទ? បើមេនគរបាលព្រហ្មទណ្ឌផ្កាយ៣បើកកន្លែងល្បែងក្បែរសាលាខណ្ឌ៧មករាអញ្ចឹងនោះ - លោកម៉ម ប៊ុនហេង ប្រាប់ប្រជាពលរដ្ឋគ្រប់គ្នាឲ្យមកទទួលសេវាថែទាំសុខភាពដើម្បីកាត់បន្ថយអត្រាមរណភាពមាតានិងទារក - សាកលវិទ្យាល័យវិទ្យាសាស្ត្រសុខាភិបាល ប្រកាសប្រឡងជ្រើសរើសនិស្សិត ចូលរៀនថ្នាក់វេជ្ជបណ្ឌិតឯកទេស - ផ​លិត​ផល​​ក្លែ​ងប​ន្លំ​ម៉ាក​សញ្ញា​ និង​រំលោភ​កម្មសិទ្ធិ​ប​ញ្ញា ​​​​ ១០០​តោន​ត្រូវបានដុត​បំផ្លាញ​ចោល - ក្លឹបអ្នកកាសែតកម្ពុជា៖ អ្នក​សារព័ត៌មាន​ចំនួន​៩៥រូប​ មក​ពី​​៦៧អង្គភាពអនុម័ត​សេចក្តី​ថ្លែ​ង​ការណ៍​រួ​មក្រោម​ប្រធា​ន​​បទ​ ” ប្រព័ន្ធផ្សព្វផ្សាយព័ត៌​មានកម្ពុជាក្នុងយុ​គ​សម័​យ៤​.០ ” - ពលរដ្ឋ និងកូនសិស្ស​ដើរលុយទឹក ដោយសារគ្មានផ្លូវដើរព្រោះអំពើរំលោភបំពានផ្លូវមិនមានដំណោះស្រាយ

មន្ទីរវប្បធម៌ និងវិចិត្រសិល្បះខេត្តមណ្ឌលគិរី ប្រារព្វពិធីបិទមហោស្រពសិល្បៈ ចម្រៀងខ្មែរជាសកលថ្នាក់ខេត្តលើកទី៥ ឆ្នាំ២០១៩

ខេត្តមណ្ឌលគិរី៖ ដើម្បីចូលរួមអភិរក្ស និងអភិវឌ្ឍន៍វប្បធម៌ជាតិ នាព្រឹកថ្ងៃទី០៧ ខែសីហា ឆ្នាំ២០១៩នេះ មន្ទីរវប្បធម៌ និងវិចិត្រសិល្បះខេត្តមណ្ឌលគិរី បានរៀបចំពិធីបិទមហោស្រពសិល្បៈចម្រៀងខ្មែរជាសកលថ្នាក់ខេត្តលើកទី៥ ឆ្នាំ២០១៩ ក្រោមវត្តមាន លោកស្រី វិន ស៊ីធួន អភិបាលរងខេត្ត លោក លី សាមិ សមាជិកក្រុមប្រឹក្សាខេត្ត ព្រមទាំងកងកម្លាំងប្រដាប់អាវុធទាំងបីប្រភេទ លោក លោកស្រី ប្រធាន អនុប្រធានមន្ទីរអង្គភាពជុំវិញខេត្ត សហភាពសហព័ន្ធយុវជនកម្ពុជាខេត្ត លោកគ្រូ អ្នកគ្រូ និងសិស្សានុសិស្សជាច្រើននាក់ ពិធីនេះប្រព្រឹត្តទៅនៅមន្ទីរវប្បធម៌ និងវិចិត្រសិល្បះខេត្តមណ្ឌលគិរី។

photo_2019-08-07_22-16-48

លោកស្រី វិន ស៊ីធួន អភិបាលរងខេត្ត បានសម្តែងនូវការកោតសរសើរ និងវាយតម្លៃខ្ពស់ ចំពោះថ្នាក់ដឹកនាំ និងមន្ត្រីរាជការ នៃមន្ទីរវប្បធម៌ និងវិចិត្រសិល្បៈខេត្តមណ្ឌលគិរី ដែលបានខិតខំប្រឹងប្រែងអស់កម្លាំងកាយចិត្ត ក្នុងការចូលរួមអនុវត្តការងារទទួលបានជោគជ័យ និងសូមឱ្យបន្តយកចិត្ត ទុកដាក់អនុវត្តសកម្មភាពការងារឱ្យបានកាន់តែល្អប្រសើរខ្លាំងថែមទៀត ដើម្បីឈានទៅសម្រេចឱ្យបាននូវគោលនយោបាយជាតិស្តីពីវប្បធម៌ “អភិរក្ស និងអភិវឌ្ឍន៍ វប្បធម៌ជាតិ” ដោយអនុវត្តន៍ស្របតាមគោលនយោបាយដឹកនាំរបស់រាជរដ្ឋាភិបាលកម្ពុជា។

photo_2019-08-07_22-16-45

បន្ទាប់មកលោកស្រី បានផ្តល់អនុសាសន៍មួយចំនួនដល់ប្អូនៗបេក្ខជន បេក្ខនារី ដែលទទួលបានជ័យលាភី ត្រូវបន្តទៅចូលរួមប្រកួតប្រជែង ក្នុងព្រឹត្តិការណ៍មហោស្រពថ្នាក់ជាតិក្នុងអំឡុងខែតុលា ឆ្នាំ២០១៩ខាងមុខ គឺត្រូវព្យាយាមហាត់សមច្រៀង ជាបន្តទៀត ដើម្បីឈានទៅទទួលបានជោគជ័យ សម្រាប់ខេត្ត ក៏ដូចជាកិត្តិយសផ្ទាល់ខ្លួន។

លោកស្រីអភិបាលរងខេត្តបានបន្ថែមថា ចំពោះបេក្ខជន បេក្ខនារី ដែលពុំបានទទួលជ័យលាភី សូមកុំអាក់អន់ស្រពោនចិត្ត ប្អូនៗត្រូវខិតខំបន្ត សម្រាប់ឱកាសក្រោយៗ ព្រោះមន្ទីរវប្បធម៌ និង វិចិត្រសិល្បៈនឹងរៀបចំការប្រឡងប្រជែងជារៀងរាល់ឆ្នាំ ចាប់ពីឆ្នាំ២០២០តទៅ ដូចនេះត្រូវបន្តព្យាយាមទៀតដើម្បីឱ្យប្អូនៗ បានសម្រេចនូវគោលបំណងរបស់ខ្លួន។ ដូចឆ្នេះមន្ទីរវប្បធម៌ និងវិចិត្រសិល្បៈ ត្រូវចូលរួមបង្ករលក្ខណៈដល់បេក្ខជន បេក្ខនារី ដែលទទួលបាន ជ័យលាភី ក្នុងសកម្មភាពហាត់សម ដើម្បីឱ្យទទួលបានជោគជ័យក្នុងព្រឹត្តិការណ៍មហោស្រពថ្នាក់ជាតិ នាពេលខាងមុខ ក្នុងការមានឱកាសបញ្ចេញ នូវសមត្ថភាព របស់ខ្លួនលើវិស័យសិល្បៈនេះ។

photo_2019-08-07_22-16-45 (2)

ប្រធានមន្ទីរវប្បធម៌ និងវិចិត្រសិល្បះខេត្តមណ្ឌលគិរី លោក សី ទូច បានបញ្ជាក់ថា មន្ទីរបានធ្វើការផ្សព្វផ្សាយជ្រើសរើសបេក្ខជនទាំងពីរវិញ្ញាសា៖១).វិញ្ញាសាចម្រៀងបុរាណ (ប្រពៃណី បាសាក់ មហោរី និងយីកេ) និង ២).វិញ្ញាសាចម្រៀងសម័យ (ទសវត្សរ៍ទី៥០-៧០) ដោយមានរយៈពេល២០ថ្ងៃ (ពីថ្ងៃទី០៨ ខែកក្កដា ដល់ថ្ងៃទី២៨ ខែកក្កដា ឆ្នាំ២០១៩) ជាលទ្ធផល មានបេក្ខជន បេក្ខនារី មកដាក់ពាក្យទាំងពីរ វិញ្ញាសាមានចំនួនសរុប ១៨នាក់ក្នុងនោះស្រី ២នាក់។

លោក បន្ថែមថា ការប្រឡងជម្រុះដើម្បីសំរាំងយកបេក្ខជន និងបេក្ខនារី មកប្រកួតក្នុងវគ្គផ្តាច់ព្រ័ត្តថ្ងៃទី៣១ ខែកក្កដា ឆ្នាំ២០១៩ ដោយលទ្ធផលនៅសល់ចំនួន១០នាក់។

លោកបន្ថែមទៀតថា ដោយយកចិត្តទុកដាក់ ប្រកបតម្លាភាព យុត្តិធម៌ និងមានការ ទទួលខុសត្រូវខ្ពស់មក គណៈកម្មការបានរកឃើញនូវបេក្ខជន បេក្ខនារី ដែលទទួលបានជ័យ លាភីតាមវិញ្ញសាទាំងពីរ ទី១ .វិញ្ញាសាចម្រៀងសម័យ ផ្នែកបុរស ទទួលបានជ័យលាភីចំណាត់លេខ១ បានទៅលើបេក្ខជនឈ្មោះ នី រ៉ាយុទ្ធ ទី២. ផ្នែកនារី ទទួលបានជ័យលាភីចំណាត់ថ្នាក់លេខ១ បានទៅលើបេក្ខនារីឈ្មោះ នាង ចាន់នីតា វិញ្ញាសាចម្រៀងបុរាណ ទី១ ផ្នែកបុរស ទទួលបាន ជ័យលាភីចំណាត់ថ្នាក់លេខ២ បានទៅលើបេក្ខជនឈ្មោះ ធឿន សុភា និងផ្នែកនារី ទទួលបានជ័យលាភីចំណាត់ថ្នាក់លេខ១ បានទៅលើបេក្ខនារី ឈ្មោះ នឿយ ស៊ូ៕ ដោយ៖សំ រេច

photo_2019-08-07_22-16-44 (4)

photo_2019-08-07_22-16-44 (2)

photo_2019-08-07_22-16-43

Share Button
Filed in: ជីវិត និង​កំសាន្ត, ព័ត៌មានថ្មីៗ, សូមរាយការណ៍

Recent Posts

Bookmark and Promote!